ලොව බිලියනපතියන් වැඩි වශයෙන් ජීවත් වන නරග 10 ප්‍රකාශයට පත් කර තිබෙනවා.
Forbes සඟරා දත්ත අනුව මෙම වසරේ බිලියනපතියන් 2,781ක් ලොව පුරා ව්‍යාප්ත ව ඇති බව සඳහන්.
Forbes හි නවතම ලැයිස්තුවට අනුව බිලියනපතියන්ගෙන් හතරෙන් එකක පිරිසකගේ ඒකාබද්ධ වත්කම ඩොලර් ට්‍රිලියන 3ක් ලෙසයි සඳහන්ව ඇත්තේ.
මෙම බිලියනපතියන් අතුරින් වැඩි දෙනෙක් රටවල් හයකට අයත් නගර 10ක ජීවත් වීම විශේෂත්වයක්.
ඇමරිකාවේ නිව් යෝර්ක් නගරය නැවත වරක් ලෝකයේ වැඩිම බිලියනපතියන් පිරිසකට නිවහන සපයන නගරය ලෙස නම් කර තිබෙනවා.
නිව්යෝර්ක් නගරයේ සිටින සමස්ත බිලියනපතියන් ගණන 110ක් වන අතර නිව්යෝර්ක්හි ධනවත්ම බිලියනපතියා මයිකල් බ්ලූම්බර්ග් ලෙසටයි සැලකෙන්නේ.
දෙවනියට ලොව වැඩිම බිලියනපතියන් සිටින නගර දෙකක් නම්කර ඇති අතර රුසියාවේ මොස්කව් සහ හොංකොං ඒ අතර වනවා.
එම නගර දෙකෙහිම බිලියනපතියන් 74දෙනා බැගින් සිටින බවයි වාර්තා වන්නේ.
එම ශ්‍රේණිගත කිරීමේ වැඩිම බිලියනපතියන් වෙසෙන හතරවන නගරය මුම්බායි වන අතර පස්වන තැන හිමිකරගෙන ඇත්තේ බීජින් නගරයයි.
බිලියනපතියන් 62ක් වාසය කරන ලන්ඩන් නගරය 6වන ස්ථානයට පැමිණ ඇති අතර එහි බිලියනපතියන්ගේ සමස්ත වත්කම ඩොලර් බිලියන 326ක්.
සිංගප්පූරුව එම ශ්‍රේණිගත කිරීමේ 9වන ස්ථානයත් සැන් ෆැන්සිස්කෝ නගරය බිලියනපතියන් 50ක් සමගින් එම ශ්‍රේණිගත කිරීමේ 10 වන තැනත් හිමිකරගෙන තිබෙනවා.
