නැවත සේවක බලකායට එක්වන කාන්තාවන් වෙනුවෙන් ඩොලර් 5000 ක උපරිමයක් දක්වා වන දීමනාවක් ලබාදීමට නිවු සවුත් වේල්ස් ප්‍රාන්ත රජය සූදානම් වනවා.
ඉදිරි ප්‍රාන්ත අයවැයෙන් මේ සඳහා ඩොලර් මිලියන 32 ක මුදලක් වෙන් කෙරෙනු ඇති බවටයි වාර්තා පළවන්නේ.
පළමු අධියරේදී කාන්තාවන් 6000 ක් සඳහා මෙම දීමනාව හිමිවනු ඇති.
කොවිඩ් තත්වය හමුවේ රැකියා අහිමිවී නැවතත් සේවයට පැමිණීමට අපේක්ෂාවෙන් සිටින කාන්තාවන්ට මෙමගින් සහනයක් ලැබෙන බවයි නිවු සවුත් වේල්ස් ප්‍රාන්ත රජය පෙන්වා දෙන්නේ.
පසුගිය අයවැයෙන් මෙම ව්‍යාපෘතිය පලමුවෙන් ආරම්භ වූ අතර ඩොලර් 1500 බැගින් කාන්තාවන්ට ලබාදීම සඳහා ඩොලර් මිලියන 10 ක මුදලක් වෙන් කෙරුණා.
අවම වශයෙන් මාසයක් රැකියා අහිමිවී සිටි සහ මාස 06 ක් ඇතුළත නව රැකියාවකට යාමට සූදානම් කාන්තාවන් මේ සඳහා සුදුසුකම් ලබන අතර ජූලි 01 වනදා සිට අයදුම්පත් භාර ගැනීමට නියමිතයි.
