T20 ලෝක කුසලානය සඳහා සහභාගී වන 15 දෙනෙකුගෙන් යුත් ඔස්ට්‍රේලියා සංචිතය ප්‍රකාශයට පත් කර තිබෙනවා.
කණ්ඩායමේ නායකත්වය පවරා ඇත්තේ මිචෙල් මාෂ් වෙතටයි.
ඇෂ්ටන් ඒගර්, පැට් කමින්ස්, ටිම් ඩේවිඩ්, නේතන් එලිස්, කැමරන් ග්‍රීන්, ජොෂ් හේස්ල්වුඩ්, ට්‍රැවිස් හෙඩ්, ජොෂ් ඉංග්ලිෂ්, ග්ලේන් මැක්ස්වෙල්, මිචෙල් ස්ටක්, මාර්කස් ස්ටෝයිනිස්, මැතිව් වෙඩ්, ඩේවිඩ් වෝනර් සහ ඇඩම් සම්පා යන ක්‍රීඩකයින් මෙම සංචිතයට ඇතුළත්.
2024 T20 ලෝක කුසලානය අමෙරිකා එක්සත් ජනපදය සහ බටහිර ඉන්දීය කොදෙව් දූපත්හිදී පැවැත්වීමට නියමිතයි.
ප්‍රවීණ පිතිකරු ස්ටීව් ස්මිත්, යොවුන් පිතිකරු ජේක් ෆ්‍රේසර්, පළපුරුදු ක්‍රීඩක ජේසන් බෙහ්‍රෙන්ඩෝෆ් සහ තුන් ඉරියව් ක්‍රීඩක මැට් ෂෝට් යන ක්‍රීඩකයින් මෙම සංචිතයට ඇතුලත් නොකිරීම විශේෂත්වයක්.
2022 දී ඔස්ට්‍රේලියාවේ පැවති අවසන් T20 ලෝක කුසලානයේ සිට T20I ක්‍රීඩා කර නොතිබුණද වමත් දඟ පන්දු යවන ඇෂ්ටන් ඒගර් නැවත කැඳවා තිබෙනවා.
මාර්කස් ස්ටෝයිනිස්, ටිම් ඩේවිඩ් සහ කැමරන් ග්‍රීන් තුන් ඉරියව් ක්‍රීඩකයන් ලෙස සංචිතයට එක්ව තිබෙනවා.
