සෞඛ්‍ය ඇමතිවරියගේ සංචාරයේදී සෞඛ්‍ය සේවකයන් රෝගීන් ලෙස රංගනයක

වික්ටෝරියා ප්‍රාන්ත සෞඛ්‍ය අමාත්‍ය මේරි-ඇන් තෝමස්ගේ සංචාරයක් අතරතුර, රෝහලක කාර්ය මණ්ඩල සාමාජිකයන් පිරිසක් රෝගීන් ලෙසට පෙනී සිට ව්‍යාජ රංගනයක නිරත වී ඇතැයි සෞඛ්‍ය දෙපාර්තමේන්තු පරීක්ෂණයකින් හෙළි වී තිබෙනවා.

පසුගිය අගෝස්තු මාසයේදී කොලක් ප්‍රදේශයේ සෞඛ්‍ය මධ්‍යස්ථානයක සිදු කළ සංචාරයක් අතරතුරයි මෙම සිදුවීම වාර්තා වී ඇත්තේ.

එම වෛද්‍ය මධ්‍යස්ථානය ඉතා කාර්යබහුල බව ඒත්තු ගැන්වීම සඳහා ඔවුන් මෙම වංචනික රංගනයේ නිරත වී ඇති බවට අනාවරණ වී තිබෙනවා.

මෙම උපක්‍රමයට සම්බන්ධ කාර්ය මණ්ඩල සාමාජිකයින් 10 දෙනාගෙන් එක් අයෙකු ගිලන් රථයකින් පවා රෝගියෙක් ලෙසට පැමිණි බව හෙළිවී තිබෙනවා.

අදාළ වෛද්‍ය මධ්‍යස්ථානය තමන්ගේම කාර්ය මණ්ඩලය භාවිතා කරමින් එය ඉතා කාර්යබහුල හදිසි සත්කාර මධ්‍යස්ථානයක් ලෙස පෙන්වා දීමට මෙම කටයුතු සිදු කර ඇති බව සඳහන්.

මේ සම්බන්ධයෙන් සිදු කළ විමර්ශන වාර්තාව අද සෞඛ්‍ය බලධාරීන්ට භාරදී තිබෙනවා.

එමගින් පෙන්වා දී ඇත්තේ රෝගීන් ලියාපදිංචි කිරීමේ දත්ත පද්ධතියට කාර්ය මණ්ඩල සාමාජිකයන්ගේ නම් ලියාපදිංචි කර ඇමතිවරියගේ සංචාරයෙන් පසු ඒවා අවලංගු කර ඇති බවයි.

මෙමගින් සැබෑ රෝගීන්ගේ සෞඛ්‍යයට සහ ආරක්ෂාවට සෘජු බලපෑමක් නොතිබුණ ද රෝගී සත්කාරවලට බලපෑම් එල්ල විය හැකි සම්භාවිතාවක් පවතින බව සමීක්ෂණ වාර්තාව පෙන්වා දී තිබෙනවා.

අදාළ කාර්ය මණ්ඩලය 10 දෙනාට එරෙහිව විනය ක්‍රියාමාර්ගයක් නොගන්නා නමුත් සිදුවීමේ බරපතලකම පිළිබඳව ඔවුන්ට උපදෙස් ලබා දී ඇති බවයි වාර්තා වන්නේ.

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »