නිවු සවුත් වේල්ස් ප්රාන්තයේ සෞඛ්ය සේවකයන් සඳහා ඩොලර් 3000 ක එක් වරක් පමණක් ගෙවන ප්රසාද දීමනාවක් ගෙවීමට ප්රාන්ත රජය තීරණය කර තිබෙනවා.
කොවිඩ් වසංගත සමයේ ඉදිරිපෙළ සේවකයන් ලෙස කටයුතු කරමින් කල මෙහෙවර අගය කිරීම සඳහා එය ලබාදෙන බවයි ප්රාන්ත අගමැති ඩොමිනික් පෙරෝටේ අද නිවේදනය කලේ.
මීට අමතරව සෞඛ්ය සේවකයන් ඇතුලු පොදු සේවා රාජකාරිවල නිරත අංශ කිහිපයක සේවකයන්ට ඉදිරි වසරවලදී වැටුප් වැඩිවීම් ලබාදීමටද නිවු සවුත් වේල්ස් ප්රාන්ත රජය තීරණය කර තිබෙනවා.
ඒ අනුව මෙම වසරේදී සියයට 03 ක් සහ ලබන වසරේදී සියයට 3.5 ක් ලෙස වැටුප් වර්ධක දීමයි නිවු සවුත් වේල්ස් ප්රාන්ත රජයේ සැළසුම වන්නේ.
කෙසේවෙතත් අගමැතිවරයා විසින් මෙම අදහස් පළකරන්නේ වැඩි වැටුප් ඉල්ලා නිවු සවුත් වේල්ස් හි සේවකයන් ලක්ෂ 04 කට ආසන්න පිරිසක් වැඩවර්ජන සඳහා එළඹෙන බවට අනතුරු ඇගවීමත් සමගයි.
ප්රාන්තයේ සෞඛ්ය ශ්රම බලකායට ඉදිරි වසරවලදී අමතර සේවකයන් 10,000 ක් පමණ බඳවා ගැනෙන බවද නිවු සවුත් වේල්ස් අගමැතිවරයා සඳහන් කලා.