ඔස්ටේ්‍රලියාව තුළ ආහාර ඇතුලු සියලු අත්‍යවශ්‍ය ආහාර මිළ ගණන් ඉහළ ගොස් තිබෙනවා.
මෙම වසරේ මුල් මාස 03 දී එළවලු මිළ සියයට 6.6 කින් – පළතුරු මිළ සියයට 4.9 කින් සහ කෝපි මිළ සියයට 50 කින් වැඩිවී ඇති බවයි සංඛ්‍යාලේඛණ වාර්තා පෙන්වා දෙන්නේ.
ඉදිරි මාස 12 දී මෙම තත්වය තවත් ඉහළ යනු ඇති බවටද අනාවැකි පළවනවා.
රුසියානු – යුක්රේන යුද්ධය සහ නිවු සවුත් වේල්ස් හා ක්වීන්ස්ලන්ඩ් වෙත බලපෑ ජල ගැලීම් හමුවේ අස්වැන්න අඩුවීම මීට ප්‍රධාන හේතුවයි.
මේ අතර සංචිත බැංකුව විසින් හෙට සිට නැවතත් පොළී අනුපාත ඉහළ දැමිමට සූදානම් වන බවට වාර්තා පළවනවා.
ආර්ථික විශේෂඥයන් අනාවැකි පළකරන්නේ සියයට 0.25 සිට 0.4 දක්වා අගයකින් එය ඉහළ යනු ඇති බවයි.
ඒ අනුව ගෙවිය යුතු උකස් ණය ඇතුලු සියලු වාරික වැඩිවනු ඇති බව ද සඳහන්.
