ලබන මාසයේදී ආරම්භවීමට නියමිත ශ්‍රී ලංකා තරග සංචාරයට සහභාගීවීම පිළිබඳ ඔස්ටේ්‍රලියානු ක්‍රිකට් කණ්ඩායම කණස්සල්ල පළකර තිබෙනවා.
ඉන්ධන ගැටලු – විදුලි කප්පාදු සහ මහජන විරෝධතා හමුවේ ශ්‍රී ලංකාවේ මේ වනවිට සතුටුදායක වාතාවරණයක් නොමැතිවීම ඊට හේතුවයි.
කෙසේවෙතත් සැළසුම් කර ඇති පරිදිම තරග සංචාරය ක්‍රියාත්මක බව දෙරෙටහිම ක්‍රිකට් ආයතන විසින් තහවුරු කර තිබෙනවා.
එක්දින – ටෙස්ට් සහ පන්දුවාර 20 තරගාවලියක් සඳහා ඔස්ටේ්‍රලියා ක්‍රිකට් කණ්ඩායම තවත් දින කිහිපයකින් ශ්‍රී ලංකාවට පැමිණිමට නියමිතයි.
මෙම සංචාරයේ තරග කාලසටහන වෙනස් කරන ලෙස ශ්‍රී ලංකා පාර්ශවයෙන් කල ඉල්ලීමක් ඔස්ටේ්‍රලියා ක්‍රිකට් ආයතනය පසුගියදා ප්‍රතික්ෂේප කලා.
