ප්රසිද්ධ ස්ථානවල මුහුණු ආවරණ භාවිතය අනිවාර්ය නොකිරීමේ තීරණය අත්හිටුවීමට සෞඛ්ය අමාත්යංශය තීරණය කර තිබෙනවා.
රට තුළ දැනට පවතින දැවැන්ත විරෝධතා සඳහා අතිවිශාල ජනකායක් සහභාගීවීම සැළකිල්ලට ගෙන එම තීරණය ගත් බවයි සෞඛ්ය අමාත්යංශය නිවේදනය කලේ.
නව සෞඛ්ය අමාත්ය මහාචාර්ය චන්න ජයසුමන විසින් පසුගිය 18 වනදා පැවසුවේ පොදු ප්රවාහනය සහ ගෘහස්ථ කටයුතු හැර අනෙකුත් අවස්ථාවලදී මුහුණු ආවරණ භාවිතය අනිවාර්ය නොකිරීමට අවසර දෙන බවයි.
කෙසේවෙතත් කොවිඩ් වසංගත තත්වය මුලුමනින්ම අවසන්වී නොමැති වාතාවරණයකදී ගත් මෙම තීරණය බොහෝ පිරිසකගේ දැඩි විවේච්චනයට ලක්වුණා.
ඒ අනුව ඊයේ පාර්ලිමේන්තුවේදී සෞඛ්ය අමාත්යවරයා පවසා සිටියේ අදාළ තීරණය නැවත සළකා බැලීමට පියවර ගන්නා බවයි.
අද දිනයේදී සෞඛ්ය අමාත්යංශය නිකුත් කල නිවේදනයක දැක්වෙන්නේ පෙර පරිදිම සෑම බාහිර අවස්ථාවකදීම මුහුණු ආවරණ භාවිතය අනිවාර්ය බවයි.