කොළඹ ගාලු මුවදොර පිටියේ පැවැත්වෙන විරෝධතාව අද 04 වන දිනටත් ක්‍රියාත්මකයි.
ඊට එක්වූ පිරිස් ඊයේ රාත්‍රියේද නිදි වර්ජිතව ගාලු මුවදොර පිටියේ රැදී සිටියා.
රැස්ව සිටි පිරිස වෙනුවෙන් ගී ගයමින් සිටි මෙරට රැප් ගායකයෙකු වන ශිරාෂ් විරෝධතා භූමියේදීම ඊයේ රාත්‍රියේ හෘදයාබාධයක් හේතුවෙන් හදිසියේ මියගොස් තිබෙනවා.
පවතින ආණ්ඩුවට සහ ජනාධිපතිවරයාට විරුද්ධව ගාලු මුවදොර පිටියේ දී මහජනතාව විසින් දියත් කර ඇති විරෝධතාවයට එක් වෙමින් සිටිය දී ඔහු මෙලෙස ජීවිතයෙන් සමුගත්තා.
පාරාදීසේ , මීදුම පිරි සඳපානේ , බඹර පදම් , විසේකාරී වැනි ජනප්‍රිය ගීත බොහොමයක ගායනයෙන් දායකත්වය සැපයූ ශිරාෂ් 1995 වර්ෂයේ සිට ගායන ක්ෂේත්‍රයේ නව පෙරළියක් ඇති කල අයෙක්.
