ජලගැලීම් හේතුවෙන් දැඩි හානි සිදුවු නිවු සවුත් වේල්ස් උතුරු ප්‍රදේශයේ පුද්ගලයන්ට අමතර මූල්‍යධාරයක් ලබාදීමට ෆෙඩරල් රජය තීරණය කර තිබෙනවා.
ඒ අනුව වැඩිහිටි අයෙකුට ඩොලර් 1000 ක්ද ළමයෙකුට ඩොලර් 400 ක්ද බැගින් ලබාදීමට නියමිත බවයි අගමැති ස්කොට් මොරිසන් නිවේදනය කලේ.
Lismore, Richmond Valley – Clarence Valley යන ප්‍රදේශ සඳහා පමණක් මෙම ගෙවීම් සිදුකරනු ඇති.
කොවඩ් වැළඳී නිරෝධායන කාලය අවසන් කිරීමෙන් පසු අද දිනයේදී පළමුවරට ප්‍රසිද්ධියේ ජනතාව අතර පෙනී සිටි අගමැතිවරයා ජල ගැලීම් ප්‍රදේශවල සංචාරය කිරීමෙන් අනතුරුවයි මේ බව නිවේදනය කලේ.
