ඉමහත් ආන්දෝලනයට තුඩුදුන් ශ්‍රී ලාංකික ද්‍රවිඩ ජාතික පවුලට තවදුරටත් bridging visas සඳහා අයදුම් කිරීම වළක්වමින් සංක්‍රමණ අමාත්‍ය Alex Hawke විසින් නිකුත් කල නියෝගය නීති විරෝධි බවට Federal Circuit Court අධිකරණය විසින් අද නියම කර තිබෙනවා.
මේ අනුව Biloela family නමින් ජනප්‍රිය මෙම පවුලට තවදුරටත් ඔස්ටේ්‍රලියාව තුළ රැඳී සිටීම සඳහා අවසර හිමිවනු ඇති.
කෙසේවෙතත් දැනට පැවැත්වෙන නඩු විභාගය අවසානයේදී මෙම පවුල යළිත් ශ්‍රී ලංකාවට පිටුවහල් කෙරෙනු ඇති බවටයි ඔවුන්ගේ නීතීඥයන් අද පැවති නඩු විභාගයේදී තර්ක කර තිබුණේ.
ශ්‍රී ලංකාවේ යුධ සමයේ ඔස්ටේ්‍රලියාවට පලාගිය මෙම දෙමව්පිය යුවල ඔස්ටේ්‍රලියාවේදී විවාහ වී දියණියන් දෙදෙනෙකු ලැබුවා.
බාලම දියණිය පසුගිය වසරේදී මෙරට පුවත්වල සිරස්තල අතර නම සටහන් කිරීමට සමත්වූයේ ඇයට බලපෑ රෝගී තත්වයක් හමුවේ රෝහල්ගත කිරීමත් සමග ඔවුන්ගේ වීසා සම්බන්ධයෙන් අධිකරණ ක්‍රියාමාර්ගයක්ද ආරම්භවීමත් සමගයි.
