ලැව් ගිනි තත්වයකදී වන සතුන් බේරා ගත යුතු ආකාරය සම්බන්ධයෙන් සියලු පශූ වෛද්‍යවරුන් සහ හෙදියන්ට විශේෂ පුහුණුවක් ලබාදීමට ඔස්ටේ්‍රලියාව තීරණය කර තිබෙනවා.
2019 දෙසැම්බර් හා 2020 ජනවාරි මාසවල හටගත් දරුණු ලැව්ගිනි තත්වයේදී ලද අත්දැකීම් සැළකිල්ලට ගෙනයි මෙම තීරණය ගෙන ඇත්තේ.
එහිදී අර්ධ වශයෙන් පිළිස්සුණු වන සතුන් විශාල සංඛ්‍යාවක් මරණයෙන් ගලවා ගැනීමට නොහැකිවූයේ නිසි පුහුණුවක් නොමැතිවීම හේතුවෙන් බවටයි චෝදනා එල්ලවූයේ.
නව වැඩසටහන සඳහා ඔස්ටේ්‍රලියානු ඩොලර් මිලියන 02 ක මුදලක් වෙන් කර ඇති අතර පශූ වෛද්‍යවරුන් සහ හෙදියන් 3200 කට පමණ එම පුහුණුව ලබාදීමට නියමිතව තිබෙනවා.
2019 දෙසැම්බර් හා 2020 ජනවාරි මාසවල ඔස්ටේ්‍රලියාවේ හටගත් දරුණු ලැව්ගිනි තත්වයේදී මියගිය සමස්ත සතුන් සංඛ්‍යාව බිලියන 03 ක් පමණ වන බවටයි තක්සේරු කර ඇත්තේ.
