රැපිඩ් ඇන්ටිජන් කට්ටල මිළ ගණන් නොසිතූ විරූ අගයන්ගෙන් ඉහළ දමා අලෙවි කිරීම සම්බන්ධයෙන් ඔස්ටේ්‍රලියානු පාරිභෝගික කොමිසම විසින් පරීක්ෂණයක් ආරම්භ කර තිබෙනවා.
පාරිභෝගිකයන් විශාල පිරිසක් කල පැමිණිලි සැළකිල්ලට ගෙනයි මෙම විමර්ශනය ආරම්භ කර ඇත්තේ.
අධික මිළ ගණන් ගෙවා හෝ රැපිඩ් කට්ටල මිළදී ගැනීමට නොමැතිවීමද ප්‍රධාන චෝදනාවක්.
නිෂ්පාදකයන් – අතරුමැදියන් – ෆාමසි – අලෙවි සැල් යනාදී සියලු පාර්ශවවලින් ප්‍රකාශ සටහන් කරගැනීමට බලාපොරොත්තු වන බව ඔස්ටේ්‍රලියානු පාරිභෝගික කොමිසම කියාසිටියා.
සැපයුම්කරුවන්ට මිළක් නියම කල හැකි නමුත් අලෙවිකරුවන්ට මිළ තීරණය කල නොහැකි බවයි ඔස්ටේ්‍රලියානු පාරිභෝගික කොමිසම අවධාරණය කරන්නේ.
ඔස්ටේ්‍රලියාව පුරා ඩොලර් 20 ත් 60 ත් අතර අගයන්ගෙන් මේ දිනවල රැපිඩ් කට්ටල අලෙවි කරමින් පවතිනවා.
