අදට යෙදී ඇති Boxing දිනයේදී ඔස්ටේ‍රලියානුවන් වාර්තාගත ලෙස ඔන්ලයින් මිළදී ගැනීම් සිදුකරනු ඇති බවට අනාවැකි පළවෙයි.
Commonwealth බැංකුවේ පුරෝකථනයට අනුව ඩොලර් බිලියන 04 ක පමණ මිළදී ගැනීම් අද දිනයේදී සිදුකරනු ඇති බවටයි අනාවැකි පළවන්නේ.
එය පසුගිය වසර හා සැසඳීමේදී සැළකිය යුතු ඉහළයාමක්ද වනවා.
Boxing දිනයේදී ඇතැම් භාණ්ඩවල මිළ ගණන් කැපී පෙනෙන ලෙස අඩු කර තිබීම නිසා වෙළඳසැල් වෙත ගොස් මිළදී ගැනීම් පසුගිය වසර ගණනාවක සිට දක්නට ලැබෙනවා.
එහෙත් පවතින කොවිඩ් තත්වය හමුවේ ඔස්ටේ්‍රලියානුවන් විශාල පිරිසක් වෙළඳසැල් වෙත නොගොස් ඔන්ලයින් ක්‍රමයට භාණ්ඩ මිළදී ගනු ඇති බවටයි අනාවැකි පළවන්නේ.
ඒ අනුව සාමාන්‍යයෙන් අද දිනයේදී එක් ඔස්ටේ්‍රලියානුවෙකු වියදම් කරනු ඇතැයි අපේක්ෂිත මුදල ඩොලර් 557 ක්.
වැඩිම අලෙවියක් සිදුවනු ඇතැයි අපේක්ෂා කෙරෙන්නේ ඇඳුම් වන අතර විද්‍යුත් උපකරණ සඳහාද ඉහළ ඉල්ලුමක් පවතිනු ඇති බව සඳහන්.
PIC Credit: AAP
