ඉදිරි සති කිහිපයේදී රාජකාරි කාල සීමාවන් දීර්ඝ කිරීමට Australia Post තීරණය කර තිබෙනවා.
නත්තල් සමයට පෙර සියලු පාර්සල් හා ලිපි බෙදාහැර අවසන් කිරීමයි එහි අරමුණ වන්නේ.
සෑම සතියකම Australia Post විසින් බෙදා හරින පාර්සල් ප්‍රමාණය මිලියන 10 ක් පමණ වන නමුත් මෙවර නත්තල් මාසයේදී එය සතියකට මිලියන 52 ක් වැනි ඉහළ අගයක් ගනු ඇති බවටයි අනාවැකි පළවන්නේ.
ඔස්ටේ්‍රලියානුවන් අති බහුතරයක් ඔන්ලයින් ක්‍රමයට මිළදී ගැනීම් සිදුකිරීම ඉහළ යාම මීට ප්‍රධාන හේතුවයි.
මේ අතර නොවැම්බර් 27 වනදායින් පසු මෙල්බර්න් සහ පර්ත් නගරවල සන්ධ්‍යා කාලයේදීත් ලිපි හා පාර්සල් බෙදා හැරීමට Australia Post තීරණය කර තිබෙනවා.
