උසස් අධ්‍යාපනය සඳහා ඔස්ටේ්‍රලියාව තෝරා ගන්නා සිසුන් සංඛ්‍යාව කැපී පෙනෙන ලෙස පහළ ගොස් තිබෙනවා.
IDP Connect විසින් සිදුකල සමීක්ෂණයකදී හෙළිවී ඇත්තේ අමෙරිකාව – කැනඩාව සහ මහා බි්‍රතාන්‍යය කෙරෙහි යොමුවන ශිෂ්‍ය සංඛ්‍යාවේ වැඩිවීමක් පෙන්නුම් කෙරෙන බවයි.
උසස් අධ්‍යාපනය අවසන් කලද ස්ථිර පදිංචියට සුදුසු රැකියාවක් සොයා ගැනීමට අසීරුවීමයි මීට මුලික හේතුව වී ඇත්තේ.
විශේෂයෙන් ඉන්දියාව ඇතුලු ආසියානු රටවල් රැසක ශිෂ්‍යයන් අධ්‍යාපනය අවසන් කර ඔස්ටේ්‍රලියාවෙන් බැහැර වෙනත් රටවල් කරා යන ආකාරයක් දක්නට ලැබෙන බවද මෙහිදී හෙළිවි තිබෙනවා.
මීට වසර 02 කට පෙර ජාත්‍යන්තර සිසුන්ගෙන් සියයට 17 ක් ඔස්ටේ්‍රලියාව තෝරාගෙන තිබූ නමුත් මේ වනවිට එය සියයට 12 දක්වා අඩුවී තිබෙනවා.
ඉන්දියාවෙන් උසස් අධ්‍යාපනය සඳහා විදෙස් රටවලට ගිය සිසුන්ගෙන් සියයට 20 ක් මීට පෙර ඔස්ටේ‍රලියාව තෝරාගෙන තිබූ නමුත් මේ වනවිට එය සියයට 09 ක් දක්වා අඩුවී තිබෙනවා.
කොවිඩ් තත්වය හමුවේ දේශ සීමා තවදුරටත් වසා තැබීම හේතුවෙන්ද ජාත්‍යන්තර සිසුන් ඔස්ටේ්‍රලියාව හැර වෙනත් රටවල් කෙරෙහි යොමුවීමේ ප්‍රවණතාවයක් දක්නට ලැබෙන බවයි මෙම සමීක්ෂණයේදී හෙළිවී ඇත්තේ.
PIC – IDP Connect
