ලොව ජනප්‍රියම සමාජ මාධ්‍ය ජාලය වන ෆේස්බුක් සමාගම සිය නාමය වෙනස් කිරීමට සූදානම් වන බවට වාර්තා පළවනවා.
ලබන 28 වනදා පැවැත්වෙන සමාගමේ වාර්ෂික සමුලුවේදී ෆේස්බුක් නිර්මාතෘ මාර්ක් සකර්බර්ග් විසින් එය නිල වශයෙන් එළි දක්වනු ඇති බවටයි අනාවැකි පළවන්නේ.
කෙසේවෙතත් නව නාමය කුමක්ද යන්න මේ දක්වා කිසිදු ඉගියක් පළවී නැහැ.
ඉන්ස්ටග්‍රම් – වට්ස්ඇප් සහ ෆේස්බුක් ඇතුලු සමාජ ජාල කිහිපයක හිමිකාරීත්වය ඇත්තේ එකම සමාගමකටයි.
කෙසේවෙතත් පුද්ගලිකත්වය ආරක්ෂා කිරීමේ ප්‍රතිපත්තිය නිසි පරිදි ආරක්ෂා නොකිරීමත් වරින්වර සේවා බිඳ වැටීමත් හමුවේ පසුගිය සතියේදී ඔවුන්ගේ කොටස් වෙළඳපොළ වටිනාකමද කැපී පෙනෙන ලෙස පහළ ගියා.
