ඔස්ටේ්‍රලියාව පුරා පිහිටි තම සියලුම අලෙවිසැල් වලින් පිහි සහ කතුරු අලෙවියෙන් ඉවත් කිරීමට Woolworths තීරණය කරයි.
මෙල්බර්න් Brunswick හි Barkly Square Shopping Centre හි Woolworths වෙළඳසැලේදී පසුගිය සඳුදා දිනයේදි පුද්ගලයෙකුට තියුණු ආයුධ ප්‍රහාරයක් එල්ලවීම මීට හේතුවයි.
කෙසේවෙතත් මෙම තීරණය තාවකාලික බවද පාරිභෝගිකයන්ගේ ආරක්ෂාව පතා ගත් තීරණයක් බවද Woolworths නිවේදනය කලේය.
පසුගිය සඳුදා පෙරවරු 08 ට පමණ සිදුවූ අදාල තියුණු ආයුධ ප්‍රහාරයෙන් 60 හැවිරිදි පුද්ගලයෙකු තුවාල ලැබූ අතර සිද්ධිය සම්බන්ධයෙන් 20 හැවිරිදි තරුණයෙකු අත්අඩංගුවට පත්විය.
කෙසේවෙතත් මෙය ත්‍රස්ත ක්‍රියාවක් නොවන බවද වික්ටෝරියා පොලිසිය සඳහන් කලේය.
pic Credit – Getty AAP
