විදේශයන්හි සිට වික්ටෝරියා එන පුද්ගලයන් සඳහා නිවාස නිරෝධායනය ලබන 27 දා සිට – AusLanka TV – Australian News for the Sri Lankan community

විදේශයන්හි සිට වික්ටෝරියා එන පුද්ගලයන් සඳහා නිවාස නිරෝධායනය ලබන 27 දා සිට

විදේශයන්හි සිට වික්ටෝරියා එන පුද්ගලයන් සඳහා නිවාස නිරෝධායනය ලබන 27 දා සිට

විදේශයන්හි සිට පැමිණෙන පුද්ගලයන් සඳහා නිවාස නිරෝධායන වැඩපිළිවෙල ලබන 27 වනදා සිට අත්හදා බැලීමට වික්ටෝරියා ප්‍රාන්තය සැළසුම් කර තිබේ.

කොවිඩ් එන්නත් මාත්‍රා 02 ම ලබාගෙන ඇති පුද්ගලයන්ට පමණක් එය වලංගු වනු ඇති.

ලන්ඩන් සිට මෙල්බර්න් දක්වා එදින පැමිණෙන මගීන් පිරිසක් මෙම නියමු ව්‍යාපෘතිය සඳහා තෝරාගෙන ඇත.

ඔවුන් දින 07 ක් නිවසෙහි නිරෝධායනය විය යුතු අතර facial recognition & GPS තාක්ෂණය අනුබද්ධ ජංගම දුරකථන ඇප්ලිකේෂනයක් හරහා සැබෑ ලෙසම අදාළ ස්ථානයේ සිටින්නේදැයි නිරීක්ෂණය කර බැලෙනු ඇති.

නිවු සවුත් වේල්ස් හා ක්වීන්ස්ලන්ඩ් ප්‍රාන්ත විසින්ද මේ වනවිට මෙවැනි නියමු ව්‍යාපෘති සැලසුම් කර තිඛෙනවා.

ලබන පළමුවනදා සිට විදේශයන් හි සිට නිවු සවුත් වේල්ස් ප්‍රාන්තයට පැමිණෙන පූර්ණ එන්නත්කරණයට ලක්වූවන් නිරෝධායනයෙන් මුදා හැරේ.

ඒ සඳහා ඔවුන් ඔස්ටේ්‍රලියාව තුළ අනුමත ඇස්ට්‍රා-සෙනෙකා / ෆයිසර් / මොඩර්නා හෝ ජොන්සන් ඇන්ඩ් ජොන්සන් යන එන්නත් මාත්‍රා අතුරින් පූර්ණ එන්නත්කරණයට ලක්ව සිටිය යුතු වනවා.

ඊට අමතරව ගුවන් ගමනට පෙර ලබාගත් සෘණාත්මක පී සී ආර් ප්‍රථීඵල වාර්තාවක්ද ඉදිරිපත් කිරීම අනිවාර්යයි.