කොවිඩ් වසංගතය ආරම්භවීමෙන් පසු වැඩිම දින ගණනක් Lockdown කර තිබූ නගරය බවට මෙල්බර්න් නගරය හෙට දිනයේදී පත්වනවා.
ඒ මේ දක්වා දින 246 ක් Lockdown කර තැබීමත් සමගයි.
මෙතෙක් එම වාර්තාව තබා තිබුණේ ආර්ජන්ටිනාවේ බුවනෝස් අයර්ස් නගරයයි.
මේ සම්බන්ධයෙන් වික්ටෝරියා අගමැති ඩැනියල් ඇන්ඩෲස් ද අදහස් දක්වා තිබුණා.
ඔහු ප්‍රකාශ කලේ ප්‍රාන්ත වාසීන්ගේ ආරක්ෂාව සළකා පමණක් මෙලෙස දීර්ඝ කාලයක් Lockdown කිරීමට සිදුවූ බවයි.
එය අසීරු යැයි තමන් දැනුවත් නමුත් එන්නත්කරණ ඉලක්කය සපුරා ගන්නා තුරු කැපකිරීම් සිදුකිරීමට සිදුවන බවයි අගමැතිවරයා පවසා සිටියේ.
