විවිධ ක්ෂේත්‍රවල ආධුනිකයන් පුහුණු කිරීම සඳහා සේවායෝජකයන් වෙත තවත් අමතර මුදල් පිරි නැමීමට ස්කොට් මොරිසන් රජය තීරණය කර තිබේ.
ඒ අනුව දෙවන වසරේ ආධුනිකයන් වෙනුවෙන් සියයට 10 ක් සහ 03 වන වසරේ ආධුනිකයන් වෙනුවෙන් සියයට 05 ක් ලෙස වැටුප් දීමනාවක් ඔවුන්ට ලබාදීමට නියමිතයි.
මේ සඳහා රජය වැය කරන මුදල ඩොලර් බිලියන 3.9 කි.
මෙලෙස ආධුනිකයන් සඳහා පළමු වසරේදී රජය විසින් ලබාදීමට අපේක්ෂා කරන මුදල ඩොලර් මිලියන 716 ක්.
2020 ඔක්තෝබර් 05 වනදාත් 2022 මාර්තු 31 වනදාත් පුහුණුව ආරම්භ කල ආධුනිකයන්ගේ පුහුණු කාලසීමාවේ වියදම්වලින් සියයට 50 ක් දැනටමත් ගෙවනු ලබන්නේ රජය විසිනුයි.
මෙමගින් ඔස්ටේ්‍රලියානුවන් 270,000 කට පමණ සිය ව්‍යාපාර පවත්වාගෙන යාමේදී සහනයක් අත්වනවා.
