කොවිඩ් එන්නත් ලබාගෙන නොමැති වික්ටෝරියා ප්‍රාන්තවාසීන්ට ප්‍රසිද්ධ ස්ථානවලට ඇතුලුවීමට අවසර නොදෙන නව නීතියක් ගෙන එන බව ප්‍රාන්ත අගමැති ඩැනියෙල් ඇන්ඩෲස් පවසයි.
සියයට 70-80 එන්නත් ඉලක්කය සපුරාලීමත් ප්‍රාන්ත සීමා විවෘත කිරීමත් සමග එය වහා ක්‍රියාත්මක කරන බවයි අගමැතිවරයා කියාසිටියේ.
අවන්හල් – Pubs – ක්‍රීඩාංගණ – විනෝදාත්මක ඉසව් වැනි කිසිවක් සඳහා එවැනි පුද්ගලයන්ට ඇතුලුවීමට අවසර නොදෙන බවයි ඩැනියෙල් ඇන්ඩෲස් පවසන්නේ.
ඇතැමෙකුට මෙය ඉතා දැඩි තීරණයක් යැයි තර්ක කල හැකි වුවද බහුතර පිරිසකගේ ආරක්ෂාව සලකා අකමැත්තෙන් වුවද මෙවැනි තීරණයක් ගැනීමට සිදුවන බවයි ඔහු ප්‍රකාශ කලේ.
එන්නත් ගත් පිරිසට වැඩි වරප්‍රසාදයක් දීම තවත් අරමුණක් වී තිබේ.
වික්ටෝරියා ප්‍රාන්තයෙන් පළමු වරට කොවිඩ් ආසාධිතයන් දිනයකදී 200 ඉක්මවා ඊයේ වාර්තා විය.
එමෛන්ම Altona North හි පදිංචිවී සිටි 60 හැවිරිදි අයෙකු මරණයට පත්වි තිබේ.
