දුලබ හෘද රෝගයක් සහිතව උපත ලද ක්වීන්ස්ලන්ඩ් ප්‍රාන්තයේ බිළිඳියකට සති 03 කට පසුව සැත්කමක් කිරීමේ පුවතක් වාර්තා වේ.
Mia නම් මෙම බිළිඳිය උපත ලබා ඇත්තේ ක්වීන්ස්ලන්ඩ් ප්‍රාන්තයේ ක්‍රියාත්මක Lockdown සමයේදීයි.
ඒ අනුව ඇය පරීක්ෂා කිරීම සඳහා වෛද්‍යවරුන් නිවසට ගෙන්වා ගැනීමද දුෂ්කර වී තිබිණ.
එමෙන්ම hypoplastic left heart syndrome නම් ඉතා දුර්ලභ රෝගයෙන් පෙළෙන මෙම දැරියට අදාළ සැත්කම සිදුකිරීම සඳහා සිටිනුයේ ඒ පිළිබඳ දැනුමැති වෛද්‍යවරුන් දෙදෙනෙකු පමණක් වුවද ඔවුන් දෙදෙනාම හුදකලා කර සිටීම හමුවේ තත්වය තවත් දරුණු වූ බව දැරියගේ මව පවසා සිටියාය.
කෙසේවෙතත් සති 03 ක් අවසානයේ දැරිය පැය 07 ක සැත්කමකට භාජනය කර ඇති අතර මේ වනවිට ඇයගේ තත්වය යහපත් බව වාර්තා වේ.
ඇය තවත් මාස කිහිපයකින් තවත් ශෛල්‍යකර්මයකට භාජනය කෙරෙන අතර වයස අවුරුදු 04 දී තවත් සැත්කමකට යොමු කිරීමට නියමිතය.
Pic – 9News
