බ්රිස්බන් නුවර Holland Park West හි Glindemann උද්යානයේදී magpie වර්ගයේ පක්ෂියෙකු කල පහරදීමක් වළක්වාලීමට යාමේදී මව සමග සිටි මාස 05 ක් වයසැති බිළිඳියක මියගොස් තිබේ.
අදාළ කාන්තාව බිළිඳියද සමග උද්යානයේ සිට ඇති අතර magpie වර්ගයේ පක්ෂියෙකු වේගයෙන් එම ස්ථානයට ළගා වී ඇත.
එය වළක්වාලීමට මව උත්සාහ කර ඇති අතර එහිදී ඇය බිළිඳියද සමග ඇදවැටීමකට ලක්වීමෙන් බිළිඳිය මවගේ දෑතට සිරවී මියගොස් ඇති බවයි මරණ පරීක්ෂණ වාර්තාවේ දැක්වෙන්නේ.
මෙම සිදුවීමත් සමග උද්යානයේ සිටි සියලුම magpie වර්ගයේ පක්ෂීන් ඉවත් කිරීමට වන ජීවී ආරක්ෂකයන් පියවර ගෙන ඇත.
ජූලි සිට දෙසැම්බර් දක්වා කාලය සැලකෙන්නේ magpie පක්ෂීන් බිත්තර රකින සමය ලෙසයි.
Pic – Yahoo
