Lockdown තත්වය පැවතීම හමුවේ පසුගිය වසරේදී වික්ටෝරියා ප්‍රාන්තවාසීන් දහස් ගණනක් ආතතිය දුරු කර ගැනීමට අධිකව මත්පැන් භාවිතයට පෙළඹී ඇතැයි නවතම වාර්තාවක් හෙළි කරයි.
Ambulance Victoria විසින් නිකුත් කල නවතම වාර්තාවකයි මේ බව දැක්වෙන්නේ.
ඒ අනුව ඇල්කොහොල් අධි භාවිතය හමුවේ ගිලන් රථ ගෙන්වා ගැනීම් සියයට 60 සිට 81 දක්වා ඉහළ ගොස් තිබේ.
මින් වැඩිම පිරිස වයස අවුරුදු 30 සීමාවේ සිටින කාන්තාවන් වන අතර ඔවුන් රෝහල්ගත කිරීම සියයට 45 කින් පමණ වැඩිවී ඇත.
පසුගිය වසරේදී වික්ටෝරියා ප්‍රාන්තවාසීන් මත්පැන් සඳහා අමතරව වියදම් කර ඇති මුදල ඩොලර් මිලියන 15 ක් බවයි නවතම වාර්තාවල දැක්වෙන්නේ.
