නිරෝධායනය වීමකින් තොරව රටවල් 02 අතර සංචාරය කිරීමට නවසීලන්ත සහ ඔස්ටේ්‍රලියා ජාතිකයන්ට ලබන 19 වනදා සිට අවස්ථාව උදාවනවා.
ඒ දෙරට අතර සංචාරක බුබුළ එදින සිට ඇති කරන බව නවසීලන්ත අග්‍රාමාත්‍ය ජසින්ඩා ආර්ඩර්න් අද නිල වශයෙන් නිවේදනය කිරීමත් සමගයි.
කොවිඩ් වසංගතය ඇතිවීමෙන් පසු රටවල් 02 ක් අතර සංචාරක බුබුළක් ඇතිකර එක් රටක පුරවැසියන්ට අනෙක් රටේ සංචාරය කිරීමට අවස්ථාව සැළසූ පළමු අවස්ථාව මෙයයි.
කෙසේවෙතත් කොරෝනා රෝග ලක්ෂණ සහිත කිසිවෙකුටත් සංචාරය සඳහා අවසර හිමිවන්නේ නැහැ.
මේ අතර ඔස්ටේ්‍රලියාවේ ජාතික ගුවන් සේවය වන ක්වන්ටාස් නිවේදනය කලේ ලබන 19 වනදා සිට නවසීලන්තය දක්වා සතියකට ගුවන් ගමන් වාර 122 ක් ක්‍රියාත්මක කිරීමට නියමිත බවයි.
