මෙම වසරේ පළමු පොළී අනුපාතික වෙනස් කිරීම පිළිබඳ සාකච්ඡා කිරීම සඳහා ෆෙඩරල් සංචිත බැංකුවේ විධායක මණ්ඩලය අද පෙරවරුවේ රැස්වනවා.
දැනට සියයට 3.1 ක් ලෙස පවතින cash rate අගය පදනම් ඒකක 40 කින් හෙවත් සියයට 0.4 කින් ඉහළ දැමීමට මෙහිදී තීරණය කෙරෙනු ඇති බව සඳහන්.
ඒ අනුව cash rate අගය සියයට 3.5 දක්වා ඉහළ යාමට නියමිතයි.
නිවාස ණය වාරික ගෙවන අයෙකුට මාසිකව ඩොලර් 150 ක පමණ අමතර පිරිවැයක් මෙහිදී දැරීමට සිදුවනු ඇති බවටයි ආර්ථික විශ්ලේෂකයන් අනතුරු අගවා සිටින්නේ.
අද කිසියම් අයුරකින් cash rate අගය ඉහළ ගියහොත් ඩොලර් ලක්ෂ 05 ක නිවාස ණයක් ගෙන ඇති අයෙකුට පසුගිය මැයි මාසයේ සිට වාරික වැඩිවීම ඩොලර් 1000 ක් පමණ වනු ඇති බවත් ආර්ථික විශ්ලේෂකයන් පෙන්වා දෙනවා.
ලබන අගෝස්තු වනවිට ඔස්ටේ්‍රලියාවේ cash rate අගය සියයට 4.1 දක්වා ඉහළ යනු ඇති බවටද අනාවැකි පළවනවා.
