හෙට දිනයේදී පැවැත්වීමට නියමිත වූ තීරණාත්මක ජාතික කැබිනට් මණ්ඩල රැස්වීම ලබන සිකුරාදා දිනය දක්වා කල් දමා තිබෙනවා.
අගමැති ඇන්තනී ඇල්බනීස් දෙවන වරටත් කොවිඩ් ආසාධනය වීමයි ඊට හේතුව වී ඇත්තේ.
බලශක්ති ගාස්තු අඩු කෙරෙන යෝජනාවක් හෙට පැවැත්වීමට නියමිතව තිබූ ජාතික කැබිනට් මණ්ඩල රැස්වීමට ඉදිරිපත් කිරීමටයි අගමැතිවරයා සූදානමින් පසුවූයේ.
කෙසේවෙතත් ඒ සඳහා නිවු සවුත් වේල්ස් සහ ක්වීන්ස්ලන්ඩ් අගමැතිවරුන් විරුද්ධත්වය පළකර ඇති බවටද වාර්තා පළවුණා.
කුමන බාධා පැමිණියද මාස කිහිපයක් තුළ ඔස්ටේ්‍රලියානුවන්ගේ බලශක්ති ගාස්තු ගැටලුවට විසඳුමක් දෙන බවට අගමැති ඇල්බනීස් සහතික වනවා.
තම ඉලක්කය පෙබරවාරි මාසය වනවිට ගාස්තු අඩු කිරීම බවයි අගමැතිවරයා සඳහන් කලේ.
