වික්ටෝරියා ප්‍රාන්තයට බලපා ඇති ජල ගැලීම් තත්වය හේතුවෙන් රට පුරා අත්‍යවශ්‍ය භාණ්ඩ මිළ ගණන් තවත් ඉහළ යනු ඇති බවට අනතුරු ඇගවෙනවා.
ගොවිපොළ සහ වගාබිම් වැනි කෘෂිකර්මාන්තයට සම්බන්ධ ස්ථාන ගණනාවක් ජලයෙන් යටව පැවතීම හමුවේ අස්වැන්න හානිවී සැපයුම් අඩුවීම ඊට හේතුවයි.
මේ අනුව ධාන්‍ය – පළතුරු – එළවලු වැනි නිෂ්පාදන රැසක මිළ ගණන්වල ඉහළයාමක් ඉදිරි දිනවලදී අපේක්ෂා කල හැකි බවටයි අනාවැකි පළවන්නේ.
වික්ටෝරියා ජල ගැලීම්වලට ලක්වූ ප්‍රාදේශීය කලාපවල වගාබිම්වලින් සැළකිය යුතු එළවලු සහ පළතුරු ප්‍රමාණයක් ජාතික සැපයුමට එක් කිරීම ඊට හේතුවයි.
ෆෙඩරල් භාණ්ඩාගාරික අමාත ජිම් චාමර්ස් ද මෙවැනිම අනතුරු ඇගවීමක් නිකුත් කර තිබීම විශේෂත්වයක්.
