වසර 02 කට පසු නැවතත් ජංගම වේග කැමරා අනතුරු ඇගවීම් සංඥා ප්‍රදර්ශනය කිරීමට නිවු සවුත් වේල්ස් ප්‍රාන්ත රජය තීරණය කර තිබෙනවා.
ඒ රියදුරන්ගෙන් එල්ල වූ දැඩි විරෝධය හමුවේයි.
අනතුරු ඇගවීම් සංඥා ඉවත් කිරීමත් සමග නිවු සවුත් වේල්ස් හි දඩ නිකුත් කිරීම්වල සියයට 10 ක පමණ ඉහළයාමක් නිරීක්ෂණය වි තිබෙනවා.
මේ අනුව ලබන ජනවාරි පළමුවනදා සිට නැවතත් ජංගම වේග කැමරා අනතුරු ඇගවීම් සංඥා ප්‍රදර්ශනය ආරම්භ වන බව නිවු සවුත් වේල්ස් ප්‍රාන්ත රජය නිවේදනය කර සිටිනවා.
මාර්ග සංඥා අනතුරු ඇගවීම් ප්‍රදර්ශනයත් සමග 2020 වසරේදී නිවු සවුත් වේල්ස් පොලිසිය නිකුත් කර තිබූ දඩ සංඛ්‍යාව 38,743 ක් වැනි පහළ අගයක් ගෙන තිබුණා.
කෙසේවෙතත් 2021 වසරේදී එම සංඥා පුවරු ඉවත්කිරිමත් සමග දඩ පත්‍රිකා ගණන 361,896 දක්වා දස ගුණයකින් පමණ ඉහළ ගොස් තිබුණා.
මේ වසරේ මේ දක්වා කාලය තුළදි නිකුත් කර ඇති දඩ ගණන ලක්ෂ 02 කට අධිකයි.
