ඔස්ටේ්‍රලියානු ෆෙඩරල් සංචිත බැංකුව විසින් ලබන අගහරුවාදා දිනයේදී නැවත වරක් පොළී අනුපාත ඉහළ දමනු ඇති බවට අනාවැකි පළවනවා.
ඒ අනුව පදනම් ඒකක 50 කින් හෙවත් සියයට 0.5 කින් පොළී අනුපාත වැඩි කෙරෙනු ඇති බවටයි අනාවැකි පළවන්නේ.
මෙම ඉහළදැමීමත් සමග දැනට සියයට 2.35 ක්ව පවතින cash rate අගය සියයට 2.85 දක්වා වැඩිවනු ඇති බවට වෙළඳපොළ ආරංචිමාර්ග පවසනවා.
ඊට සමගාමීව උකස් ණය වාරිකවල ඉහළයාමක් ද අපේක්ෂා කෙරෙනවා.
ඔස්ටේ්‍රලියානු ෆෙඩරල් බැංකුව පවසන්නේ අමෙරිකානු ඩොලරයේ සීඝ්‍ර ඉහළයාම හමුවේ ආර්ථිකය ස්ථාවර මට්ටමක පවත්වාගෙන යාමට මෙම පියවර ඉවහල් වනු ඇති බවයි.
ලබන මාර්තු මාසය වනවිට cash rate අගය සියයට 3.35 දක්වා ඉහළ යනු ඇති බවටද අනාවැකි පළවනවා.
