අභ්‍යන්තර කෙටි ගමනාන්ත ගුවන් ගමන්වලදී නිර්මාංශික (vegetarian) ආහාර ලබානොදීමට ගත් තීරණය වෙනස් කිරීමට ක්වන්ටාස් ගුවන් සේවය තීරණය කර තිබෙනවා.
ඒ අනුව එවැනි ආහාර සහ කෙටි ආහාර (snacks) ලබාදීම වැඩි කිරීමටයි ඔවුන් පියවර ගෙන ඇත්තේ.
පැය 3 1/2 ට අඩු කාලයක් ගතවන ගුවන් ගමන් සඳහා නිර්මාංශික ආහාර ලබාදීම අත්හිටුවීමට ක්වන්ටාස් ගුවන් සමාගම පසුගියදා තීරණය කලා.
එහෙත් ඒ සම්බන්ධයෙන් දැඩි මහජන විරෝධයක් එල්ලවිම හමුවේ එම තීරණය වෙනස් කිරීමටයි ඔවුන්ට සිදුවී ඇත්තේ.
සියල්ලන්ට වඩා මහජන අදහස් ප්‍රමුඛත්වයෙහි ලා කටයුතු කිරීම ක්වන්ටාස් සමාගමේ මූලික අපේක්ෂාව බවයි එහි වැඩිදුරටත් දැක්වෙන්නේ.
