භාණ්ඩ වර්ග 1600 ක මිළ ගණන් පහත දැමීමට හෝ වැඩි නොකිරීමට Coles සුපිරි වෙළඳසැල් ජාලයද තීරණය කර තිබෙනවා.
ලබන වසරේ ජනවාරි අවසානය දක්වා එය බලාත්මක වනු ඇති.
මේ අනුව භාණ්ඩ වර්ග 500 ක මිළ ගණන් අඩු කෙරෙන අතර තවත් වර්ග 1100 ක පමණ මිළ වැඩි කිරීමකින් තොරව ජනවාරි අග තෙක් පවත්වාගෙන යාමට නියමිතයි.
Coles විසින් මෙම තීරණය ගෙන ඇත්තේ ආහාර ද්‍රව්‍ය ඇතුලු අත්‍යවශ්‍ය භාණ්ඩ වර්ග 400 ක පමණ මිළ අඩු කරන බවට Woolworths විසින් නිවේදනය කිරීමෙන් අනතුරුවයි.
නත්තල් සමය තව කෙටි කාලයකින් එළැඹීමත් පාරිභෝගිකයන්ට සහනයක් ලබාදීමත් අරමුණු කර මෙම පියවර ගන්නා බවයි Coles සඳහන් කර සිටින්නේ.
