කටුනායක ගුවන් තොටුපළ වෙත පිවිසෙන ඉහළ ආදායම්ලාභී ගුවන් මගීන් සදහා රන් මාවත නමින් නව සේවා පර්යන්තයක් විවෘත කෙරුණා.
ඉහළ ආදායම්ලාභී ගුවන් මගීන්ට ගුවන් තොටුපළ රාජකාරී සිදු කර ගැනීම සදහා පෝලිම් වල නොසිට, මෙම විවේකාගාරය වෙත පිවිස ආගමන විගමන, රේගු කටයුතු මෙන්ම ආහාරපාන සහ සන්නිවේදන අවශ්‍යතා ද ඉතා කඩිනමින් මෙහිදී ඉටු කර ගත හැකියි.
මෙම නව පර්යන්තය සදහා එක් ගුවන් මගියෙකුගෙන් ඇමෙරිකානු ඩොලර් 200 ක මුදලක් අය කර ගනු ලබන අතර ඔන්ලයින් ක්‍රමයට එම මුදල ගෙවා මෙම පහසුකම් වෙන්කරවා ගත හැකි වනවා.
මෙහිදී අදහස් දැක්වූ ගුවන් සේවා අමාත්‍ය නිමල් සිරිපාල කියාසිටියේ ලබන 20 වන දින සිට කටුනායක ගුවන් තොටුපළේ සිට ගුවන් යානා ටර්බයින් ඉන්ධන හිගයකින් තොරව නිකුත් කිරීමට පියවර ගන්නා බවයි.
මත්තල ගුවන් තොටුපළ ප්‍රතිව්‍යුහගත කරමින් එහි කොටස් විදේශීය ආයෝජකයන්ට පැවරීමට අදහස් කර ඇති බවද ඔහු සඳහන් කලා.
