දැඩි ආන්දෝලනයට තුඩුදුන් චීනයට අයත් යුවාන් වැන්ග් ෆයිව් නෞකාව හම්බන්තොට වරායට පැමිණ තිබෙනවා.
පෙරවරු 08 ට පමණ එය ළගාවූ අතර චීන තානාපති කාර්යාලය විසින් නෞකාව පිළිගැනීම සඳහා විශේෂ උත්සවයක්ද සංවිධාන කර තිබෙනවා.
අද සිට ලබන 22 වනදා දක්වා මෙම නෞකාවට හම්බන්තොට වරායට පැමිණීමට ශ්‍රී ලංකා රජය පසුගිය සෙනසුරාදා දිනයේදී අවසර ලබාදුන්නා.
අන්තර් මහද්වීපික බැලැස්ටික් මිසයිල සහ චන්ද්‍රිකා ස්ථානගත කිරීම් නිරීක්ෂණය කිරීමට හැකියාව පවතින මත භේදයට තුඩු දුන් මෙම චීන නෞකාව පසුගිය 11 වනදායි දිවයිනට පැමිණීමට නියමිතව තිබුණේ.
එම නෞකාව සම්බන්ධයෙන් දැඩි ආන්දෝලනාත්මක තත්වයක් ඇතිවූයේ මෙම නෞකාව කලාපීය ආරක්ෂාවට තර්ජනයක් බවට ඉන්දියාව අවස්ථා කිහිපයකදී අදහස් පල කර තිබීම හේතුවෙනුයි.
