ශ්‍රී ලංකාවේ වාහන ආනයනය ගැන සුබ ආරංචියක්

ජාත්‍යන්තර මූල්‍ය අරමුදල (IMF) විසින් ශ්‍රී ලංකාවට නියම කර ඇති ආදායම් ඉලක්ක සපුරාලීම සඳහා වාහන ආනයන තහනම ඉවත් කිරීමට රජය තීරණය කර ඇතැයි වාර්තා වනවා.

භාණ්ඩාගාර නිලධාරීන්ගෙන් සැදුම්ලත් කමිටුවක් මගින් මෙම පියවර නිර්දේශ කර ඇති අතර එය රජය විසින් පිළිගනු ලැබුවහොත් මෝටර් වාහන ආනයනය සඳහා පනවා ඇති තහනම ලබන 2025 වසර මුලදී ඉවත් කිරීමට නියමිතයි.

එම කමිටුවේ නිර්දේශ මුදල් අමාත්‍යවරයා ලෙස ජනාධිපති රනිල් වික්‍රමසිංහ වෙත ඉදිරිපත් කිරීමට නියමිත අතර ඔහු ඒ පිළිබඳ අවසන් තීරණයක් ගෙන ආනයනය පිළිබඳව නිවේදනයක් නිකුත් කිරීමට නියමිත බව සඳහන්.

ලබන 2025 වසර වන විට වාහන ආනයන තහනම ඉවත් නොකළහොත් ආදායම් ඉලක්ක සපුරා ගැනීමට නොහැකි වනු ඇති බවත්, එබැවින් වාහන ආනයනය සාමාන්‍ය තත්ත්වයට පත් කළ යුතු බවට කමිටුව තීරණය කර ඇති බවත් භාණ්ඩාගාර ආරංචි මාර්ග සඳහන් කරනවා.

ලබන වසර සඳහා ජාත්‍යන්තර මූල්‍ය අරමුදල විසින් නියම කර ඇති වැඩි දියුණු කළ ආදායම් ඉලක්කය සැලකිල්ලට ගනිමින් කමිටුව මෙම තීරණය ගෙන ඇති බවයි වාර්තා වන්නේ.

ඇමරිකා එක්සත් ජනපද ඩොලරයේ අගය දිගු කලක් පාලනය කළ නොහැකි බැවින් වාහන ආනයන තහනම ඉවත් කිරීම වැදගත් බවත් කමිටුව තීරණය කර ඇතැයි සඳහන්.

කෙසේ වෙතත්, නිෂ්පාදිත වර්ෂය ඇතුළුව ආනයනය කිරීමට නියමිත වාහන සම්බන්ධයෙන් මෙතෙක් තීරණයක් ගෙන නැහැ.

වාහන ආනයන තහනම ඉවත් කිරීමත් සමඟ වසරකට ඇමෙරිකානු ඩොලර් මිලියන 800ක් ශ්‍රී ලංකාවට අහිමි වුවත් ඉන් ශ්‍රී ලංකා රුපියල් බිලියන 340ක බදු ආදායමක් රජයට ලැබෙනු ඇතැයි පුරෝකථනය කිරීම හේතුවෙන් මෙම තීරණය ගෙන ඇති බවයි වාර්තා වන්නේ.

විදෙස් රටක අතරමං වූ ඔස්ට්‍රේලියානුවන් රැගෙන එන්න රජයෙන් සැලසුමක්

නිව් කැලිඩෝනියාවේ අර්බුධකාරී වාතාවරණය හේතුවෙන් අතරමංව සිටින ඔස්ට්‍රේලියානුවන් මව් රටට ගෙන ඒමට රජය විශේෂ වැඩසටහනක් ආරම්භ කර තිබෙනවා.

Read More »

විරෝධතාකරුවන් පිරිසක් අදත් මෙල්බන්වල කලබලයක් කරන්න සූදානම් බවට තොරතුරු

පලස්තීන හිතවාදී ආධාරකරුවන් මෙල්බන්හි වික්ටෝරියානු කම්කරු පක්ෂ සමුළුවට බලහත්කාරයෙන් කඩා වැදීමෙන් පසු දෙවන දිනටත් විරෝධතා ව්‍යාපාරයක් ආරම්භ කිරීමේ සැලසුමක් ඇතැයි වාර්තා වනවා.

Read More »

ඔස්ට්‍රේලියාවේ තරුණ කණ්ඩායම් අවදානමක

ත්‍රස්තවාදී කණ්ඩායම්වලට සාමාජිකයන් බඳවා ගන්නන් විසින් ඔස්ට්‍රේලියානු තරුණයන් රැඩිකල් මතවාදවලට හුරු කරන ආකාරය පිළිබඳ ත්‍රස්ත විරෝධී විශේෂඥයෙකු අනතුරු අඟවා තිබෙනවා.

Read More »

වික්ටෝරියා ප්‍රාන්තයට අලුත් නීතියක් ගේන්න අගමැතිනිය සූදානමින්

සිල්ලර වෙළඳසල්, ආගන්තුක සත්කාර හෝ ප්‍රවාහනය වැනි සේවාවන් ලබා ගන්නා ගනුදෙනුකරුවන් විසින් එම සේවාවන් ලබාදෙන සේවකයින් හිංසනයට පත් කිරීමේ සිදුවීම්වලට එරෙහිව නව නීති හඳුන්වා දීමට වික්ටෝරියානු රජය සැලසුම් කර තිබෙනවා.

Read More »