මෙම වසර අවසානය වනවිට ඔස්ටේ්‍රලියාවේ උද්ධමනය සියයට 7.75 දක්වා ඉහළ යනු ඇති බවට මුදල් අමාත්‍ය ජිම් චාමර්ස් අනතුරු අගවනවා.
ලබන වසරේ මැද භාගය වනවිට එය සියයට 5.5 දක්වා අඩුවිය හැකි බවයි වසර මැද මූල්‍ය වාර්තාව අද පාර්ලිමේන්තුවට ඉදිරිපත් කරමින් ඔහු සඳහන් කලේ.
ලබන වසර අවසානය වනවිට උද්ධමනය සියයට 3.5 දක්වා අඩුවිය හැකි බවටත් මුදල් ඇමතිවරයා අනාවැකි පළකලා.
දැනට ඔස්ටේ්‍රලියාවේ උද්ධමනය පවතින්නේ සියයට 6.1 ක් ලෙසයි.
ගෝලීය අර්බුද හමුවේ වුවද ඔස්ටේ්‍රලියා ආර්ථිකය අනෙකුත් රටවලට සාපේක්ෂව හොඳ මට්ටමක පවතින බවයි ජිම් චාමර්ස් අවධාරණය කලේ.
විරැකියාව අඩු මට්ටමක පැවතීම – නව රැකියා විශාල වශයෙන් බිහිවිම සුභවාදී ළකුණු බව මෙහිදී සඳහන් කෙරුණා.
