පර්ත් නගරයේ පාසල් සිසුවෙකු පාසල් බස් රථයක් තුළ පැය 05 කට ආසන්න කාලයක් දමා යාමේ සිදුවීමක් සම්බන්ධයෙන් එහි රියදුරුගේ සහ සහයකගේ වැඩ තහනම් කර තිබෙනවා.
පාසල් සිසුන් පාසල වෙත ඇරලවීමෙන් පසු පාසල් බසය නැවත නැවතුම්පොළ වෙත පැමිණ ඇතත් එක් සිසුවෙකු එහි සිටිනු රියදුරු දැක නැහැ.
ඒ අනුව 07 වන වසරේ සිසුවෙකුට පෙරවරු 09 සිට පස්වරු 01 යි 40 දක්වා බස් රථය තුළ සිටීමට සිදුවී තිබෙනවා.
කෙසේවෙතත් ඔහු සතුව ආහාර සහ ජලය තිබීම හමුවේ විජලනය වීමක් සිදුවී නැහැ.
මෙ සිද්ධිය සම්බන්ධයෙන් පර්ත් පොදු ප්‍රවාහන අධිකාරිය විශේෂ විමර්ශනයක් ආරම්භ කර ඇති අතර ඒ අනුවයි රියදුරුගේ සහ සහයකගේ වැඩ තහනම් කර ඇත්තේ.
