වික්ටෝරියා ප්‍රාන්තය තුළ පැතිර යන සංවිධානාත්මක අපරාධ කල්ලි ක්‍රියාකාරකම් සහ ප්‍රචණ්ඩ ක්‍රියා මර්දනය සඳහා ප්‍රාන්ත පොලිසිය විසින් නව වැඩපිළිවෙලක් ආරම්භ කර තිබෙනවා.
ඒ අනුව අපරාධ මර්දනය සඳහාම විශේෂයෙන් පුහුණුකල පොලිස් බලකායක් වන VIPER කාර්ය සාධක බලකාය ලබන සඳුදා සිට වික්ටෝරියා වීථි පුරා අනුයුක්ත කෙරෙනු ඇති.
අපරාධ විශේෂඥයන් – බුද්ධි නිළධාරීන් – හදිසි ප්‍රතිචාර නිළධාරීන් ඇතුලු ක්ෂේත්‍ර රැසක පොලිස් නිළධාරීන් මෙම බලකායට ඇතුළත්.
මෙල්බන් ඇතුලු වික්ටෝරියා ප්‍රදේශ ගණනාවක් මෑත කාලීනව වෙඩි තැබීම් සහ විවිධ ප්‍රචණ්ඩ ක්‍රියාවල ඉහළයාමක් දක්නට ලැබෙනවා.
එය පාලනය කිරීමයි වික්ටෝරියා ප්‍රාන්ත පොලිසියේ සැළසුම වී ඇත්තේ.
