ඔස්ටේ්‍රලියාව අවම වැටුප සියයට 5.2 කින් ඉහළ නංවා තිබෙනවා.
Fairwork කොමිසම නිවේදනය කලේ ඇතැම් රැකියාවල පවතින දැඩි සේවක හිගය මෙන්ම ඉහළ යන උද්ධමනය මීට බලපෑ බවයි.
මේ අනුව අවම ජාතික වැටුප ඩොලර් 21.38 ක් දක්වා ඉහළ යනවා.
මේ අනුව අවම වැටුප් ලබන සේවකයෙකුට සතියකට ඩොලර් 40 ක පමණ අමතර මුදලක් හිමිවනු ඇති.
ඔස්ටේ්‍රලියාවේ උද්ධමනය නුදුරේදී සියයට 06 ක් පමණ දක්වා ඉහළ යනු ඇතැයි පුරෝකථනය කර තිබිම හමුවේ මෙම වැටුප් වැඩි කිරීම සිදුකල බවද Fairwork කොමිසම කියාසිටියා.
මෙම වැටුප් වැඩි කිරීම ලබන 01 දා සිට බලාත්මකයි.
මෙමගින් ඔස්ටේ්‍රලියාව තුළ මිලියන 02 ක පමණ සේවකයන් පිරිසකට ප්‍රතිලාභ අත්වනු ඇති.
පසුගිය මැතිවරණයේදී එවක විපක්ෂ නායක, වත්මන් අගමැති ඇන්තනී ඇල්බනීස් පැවසුවේ තමා බලයට පත්වුවහොත් සියයට 5.1 ක වැටුප් වැඩිවීමක් ලබාදෙන බවයි.
