වසර 02 කට පසු මෙල්බන් ජාත්‍යන්තර ගුවන් තොටුපළේ කාර්ය බහුලම දිනය ලෙස ඊයේ දිනය සටහන්වී තිබෙනවා.
එළඹෙන පාස්කු උත්සවයත් සමග බොහෝ පිරිසක් නිවාඩු සඳහා විදෙස් ගතවීම ඊට හේතුවයි.
Check-in / රේගු / ආරක්ෂක කවුලු වැනි සියලු ස්ථානවල පැයකට වැඩි කාලයක් පෝලිම්වල රැඳී සිටීමට සිදුව ඇතැයි මගීන් ප්‍රකාශ කර තිබුණා.
එබැවින් ගුවන් තොටුපළ බලධාරීන් ගුවන් මගීන්ට දන්වා සිටින්නේ ගුවන් ගමනට නියමිත වේලාවට අමතර පැය කිහිපයකට පෙර ගුවන් තොටුපළට පැමිණෙන ලෙසටයි.
මේ අතර සිඩ්නි ජාත්‍යන්තර ගුවන් තොටුපළේද ඊයේ දැඩි තදබදයක් පැවති අතර ක්වන්ටාස් ගුවන් සේවය චෝදනා කලේ ඇතැම් ගුවන් මගීන් නිසි ලෙස ගුවන් තොටුපළ රෙගුලාසි අනුගමනය නොකිරීමද ඊට හේතුවී ඇති බවයි.
දීර්ඝ කාලයක් ගුවන් ගමන් වල නොයෙදීම හමුවේ ඇතැමුන්ට ගුවන් ගමන් නීති අමතකව ගොස් ඇති බවට ද ක්වන්ටාස් ගුවන් සේවය චෝදනා කරනවා.
