අතුරුදන්ව අදට සති 02 ක් ගතවන 04 හැවිරිදි Cleo Smith දැරිය සම්බන්ධ විමර්ශනය අවසාන අධියරට එළැඹෙමින් ඇතැයි බටහිර ඔස්ටේ්‍රලියා ප්‍රාන්ත පොලිසිය පවසයි.
කෙසේවෙතත් විමර්ශනවලට බාධාවක් විය හැකි බැවින් ඊට අදාළ වැඩිදුර තොරතුරු හෙළිකල නොහැකි බවයි බළධාරීන් සඳහන් කලේ.
පසුගිය 16 වන සෙනසුරාදා අලුයම බටහිර ඔස්ටේ්‍රලියාවේ කඳවුරු භූමියක සිටියදී දැරිය අතුරුදන් වූවාය.
පොලිසිය පසුගියදා පැවසුවේ දුරකථන ඇමතුම් 200 ක් පමණ ලැබී ඇති නමුත් කිසිදු වැදගත් තොරතුරක් ලබාගත නොහැකි වූ බවයි.
කිලෝමීටර් 1000 ක පමණ වපසරිය සහිත කලාපයේ මෙම සෝදිසි මෙහෙයුම් ක්‍රියාත්මක කෙරුණු අතර Cleo Smith දැරිය පිළිබඳ නිවැරදි තොරතුරකට ඩොලර් මිලියනයක් ලබාදෙන බවද බටහිර ඔස්ටේ්‍රලියා ප්‍රාන්ත රජය පැවසුවේය.
