ලබන පළමුවනදා සිට විදේශයන්හි සිට වික්ටෝරියා ප්‍රාන්තයට පැමිණෙන පූර්ණ එන්නත්කරණයට ලක්වූ පුද්ගලයන්ට නිවාස හෝ හෝටල් නිරෝධායන රෙගුලාසි බල නොපැවැත්වෙන බව ප්‍රාන්ත අගමැති ඩැනියල් ඇන්ඩෘෘස් නිල වශයෙන් නිවේදනය කරයි.
ප්‍රාන්තයේ අවුරුදු 16 ට වැඩි සියයට 71.1 ක් මේ වනවිට මාත්‍රා 02 ම ගෙන ඇති අතර සියයට 90.5 ක් අවම වශයෙන් එක් මාත්‍රාවක් හෝ ලබාගෙන අවසන්වීම හමුවේ මෙම තීරණය ගත් බවයි ඔහු කියාසිටියේ.
කෙසේවෙතත් මෙලෙස පැමිණෙන පුද්ගලයන් පැය 24 ක් තුළ ලබාගත් සෘණාත්මක පී සී ආර් වාර්තාවක් රැගෙන ආ යුතු වනවා.
එන්නත්කරණයට ලක්ව නොමැති පුද්ගලයන්ට නිවාස හෝ හෝටල් නිරෝධායන රෙගුලාසි අඛණ්ඩව බලපැවැත්වෙනු ඇති.
මේ අතර හැකි ඉක්මණින් සියයට 80 එන්නත්කරණ ඉලක්කය සපුරාගන්නා බවටද අගමැතිවරයා මෙහිදී සහතික විය.
ඒ අනුව වික්ටෝරියාවාසීන්ට තවත් නීති ලිහිල් කිරීම් ඉදිරියේදී අපේක්ෂා කල හැකි වනු ඇති බවද ඩැනියල් ඇන්ඩෘෘස් ප්‍රකාශ කලේය.
