ඊයේ වික්ටෝරියා ප්‍රාන්තයේ වාර්තා වූ කොවිඩ් මරණ අතරට 15 හැවිරිදි දැරියකද වන බව වික්ටෝරියා සෞඛ්‍ය අංශ පවසයි.
ඇයට තවත් රෝග ලක්ෂණ කිහිපයක්ම තිබී ඇති බවයි ප්‍රාන්තයේ කොවිඩ් අණ දෙන නිළධාරී Jeroen Weimar පැවසුවේ.
මේ අතර ඇතුලු මෙල්බර්න් ගිණිකොන දිග ප්‍රදේශවල කොවිඩ් තත්වය කැපී පෙනෙන ලෙස ඉහළයාමක් වාර්තා වන බවද ඔහු කියාසිටියේය.
Hampton Park, Clyde, Narre Warren, Dandenong, Noble Park & Keysborough ප්‍රදේශ ඒ අතර වෙයි.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 1,993 ක් හමුව ඇත.
මරණ 7ක් ද වාර්තා විය.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 21,647 කි.
ඊයේ දිනයේදී (15) වික්ටෝරියා ප්‍රාන්තය තුළ කොරෝනා පරීක්ෂණ 79,214 ක් සිදුකර ඇති අතර කොරෝනා එන්නත් මාත්‍රා 40,386ක් ලබා දී තිබේ.
