Day: November 8, 2021

දුන්නක් සහ ඊතල සහිතව සිය මෝටර් රථය මත නැග වික්ටෝරියා පාර්ලිමේන්තුව ඉදිරිපිට සිටි පුද්ගලයෙකු අත්අඩංගුවට ගෙන තිබේ. 18 හැවිරිදි තරුණයෙකු මෙලෙස අත්අඩංගුවට ගනු ලැබූ බව වික්ටෝරියා ප්‍රාන්ත පොලිසිය කියා සිටී. ඔහු වෛද්‍ය පරික්ෂණයක් සඳහා රෝහල වෙත රැගෙන යනු ලැබුවා. ප්‍රාන්ත රජය කොවිඩ් තත්වය කළමණාකරණය කරන ආකාරයට විරෝධය පළකර වික්ටෝරියා පාර්ලිමේන්තුව ඉදිරිපිට උද්ඝෝෂණයක්ද පැවැත්විණ. මෙම පුද්ගලයාද ඔවුන්ගේම අයෙකු දැයි මේ දක්වා තහවුරු කරගෙන නැහැ.

නිවු සවුත් වේල්ස් ප්‍රාන්තයේ පාසල්වල 12 වන ශ්‍රේණියේ සිසුන් සඳහා හෙට සිට ආරම්භ වන HSC විභාගයට පෙනී සිටීමේදී මුහුණු ආවරණ භාවිතය අනිවාර්ය කර තිබේ. NSW Education Standards Authority (NESA) මෙන්ම ප්‍රාන්ත අගමැති Dominic Perrottet විසින්ද ඒ බව තහවුරු කර ඇත. ප්‍රාන්තයේ එන්නත්කරණ ප්‍රතිශතය මේ වනවිට සියයට 90 කට ආසන්න වී ඇති බැවින් මුව ආවරණ භාවිතය අනිවාර්ය නොකරන ලෙස බොහෝ පිරිසක් ඉල්ලීම් කර තිබේ. අද සිට ප්‍රාන්තයේ රෙගුලාසි සැළකිය යුතු මට්ටමකින් ලිහිල් කෙරුණද මුව ආවරණ භාවිතය තවමත් අනිවාර්ය

ඔස්ට්‍රේලියාවේ කොවිඩ් බූස්ටර් එන්නත ලබාදීම අද ආරම්භ විය. වයස අවුරුදු 18 ට වැඩි ඕනෑම පුද්ගලයෙකුට දෙවැනි කොවිඩ් එන්නත ලබා මාස හයකට පසුව මෙම බූස්ටර් එන්නත ලබාගත හැකිය. බූස්ටර් එන්නත ලබා ගැනීම සඳහා www.australia.gov.au වෙබ් අඩවියෙන් හෝ www.health.gov.au වෙබ් අඩවිය යටතේ වේලාවක් වෙන්කරවා ගත හැකිය. අද සිට ඔස්ට්‍රේලියාවේ ඔසුසැල්වලින් Pfizer එන්නත ලබාගැනීමට ද අවස්ථාව සලසා දී තිබේ. ඔස්ටේ්‍රලියාවේ එන්නත්කරණ ඉලක්කය පසුගිය සතියේදී සියයට 80 සීමාව ඉක්මවා ගියේය.