නිවු සවුත් වේල්ස් ප්රාන්තයේ පාසල්වල 12 වන ශ්රේණියේ සිසුන් සඳහා හෙට සිට ආරම්භ වන HSC විභාගයට පෙනී සිටීමේදී මුහුණු ආවරණ භාවිතය අනිවාර්ය කර තිබේ.
NSW Education Standards Authority (NESA) මෙන්ම ප්රාන්ත අගමැති Dominic Perrottet විසින්ද ඒ බව තහවුරු කර ඇත.
ප්රාන්තයේ එන්නත්කරණ ප්රතිශතය මේ වනවිට සියයට 90 කට ආසන්න වී ඇති බැවින් මුව ආවරණ භාවිතය අනිවාර්ය නොකරන ලෙස බොහෝ පිරිසක් ඉල්ලීම් කර තිබේ.
අද සිට ප්රාන්තයේ රෙගුලාසි සැළකිය යුතු මට්ටමකින් ලිහිල් කෙරුණද මුව ආවරණ භාවිතය තවමත් අනිවාර්ය මට්ටමකයි පවතින්නේ.
මේ අතර විදුහල්පතිවරුන් විශාල පිරිසක් ප්රාන්ත සෞඛ්ය අංශ වෙත දන්වා ඇත්තේ මුව ආවරණ පැළඳ විභාගයකට පෙනී සිටීම සිසුන්ට අසීරු විය හැකි බවයි.
ඇතැමුන්ට පැය 15 ක් වැනි දීර්ඝ කාලයක් මුව ආවරණ පැළඳ සිටීමට සිදුවනු ඇතැයිද මෙහිදී ප්රකාශ කෙරුණා.