ඔස්ට්‍රේලියානු විද්‍යාඥයින් විසින් සාම්ප්‍රදායික බබල් ටී වෙනුවට ඕට්ස් මිශ්‍රිත සෞඛ්‍ය සම්පන්න බබල් ටී නිෂ්පාදනයක් හඳුන්වා දී තිබෙනවා.
බබල් ටී හී සීනි සාන්ද්‍රණය අවම කර ඊට ඕට්ස් මිශ්‍ර කිරීම මගින් එහි සෞඛ්‍ය සම්පන්න බව ඉහළ දැමීමටයි පියවර ගෙන ඇත්තේ.
ඒ අනුව ඉදිරි වසර හය තුළ ඔස්ට්‍රේලියාවේ බබල් ටී කර්මාන්තය වාර්ෂිකව සියයට 10කින් වර්ධනය වනු ඇතැයි අපේක්ෂා කෙරෙනවා.
ඔස්ට්‍රේලියානුවන් අතර බබල් ටී යනු ඉතාමත් ජනප්‍රිය පානයක් වන අතර මෙලෙස සීනි සාන්ද්‍රණය අවම කරමින් සෞඛ්‍ය සම්පන්න ලෙස නිර්මාණය කිරීම මගින් ඒ සඳහා වන ජනප්‍රියතාව තවදුරටත් ඉහළ යනු ඇති.
මෙමගින් ඔස්ට්‍රේලියානු ඕට්ස් ගොවීන්ට ද ඉදිරියේදී ඉහළ වෙළඳ පොළක් නිර්මාණය වනු ඇති බවයි විචාරකයන් පෙන්වා දෙන්නේ.
අධික සීනි භාවිතය තුළින් දියවැඩියාව, තරබාරුකම සහ දුර්වල දන්ත සෞඛ්‍ය ඇතුළු සෞඛ්‍ය ගැටලු රැසකට පාදක වන අතර නව ඕට්ස් මිශ්‍රිත බබල්ටී ඉදිරියේදි සෞඛ්‍ය සම්පන්න පානයක් ලෙස භාවිත කල හැකි වනු ඇති.
