ලැව් ගින්නක් නිසා වික්ටෝරියා ප්‍රාන්තයේ විදුලි සැපයුම් සමාගමකට ඩොලර් මිලියන ගණනක දඩයක්

වික්ටෝරියා ප්‍රාන්තයේ ඇති වූ ලැව්ගිනි තත්වයකට වගකිව යුතු බවට චෝදනා එල්ල වූ විදුලි සැපයුම් සමාගමක් වන පවර්කෝ (Powercor) වෙත ඩොලර් මිලියන 2.1ක දඩයක් නියම කර තිබෙනවා.

සමාගම විසින් ඔවුන්ට අයත් විදුලි රැහැන් ආසන්නයේ වැඩෙන වෘක්ෂලතා පරීක්ෂා කිරීමට සහ කප්පාදු කිරීමට අපොහොසත් වීම ඇතුලු නඩත්තු අසාර්ථකත්වය සම්බන්ධ චෝදනා සඳහායි මෙම දඩය නියම වී ඇත්තේ.

පවර්කෝර් තම විදුලි ජාලයට ඇති අවදානම් සහ උපද්‍රව කළමනාකරණය කිරීමට අපොහොසත් වීම සම්බන්ධයෙන් චෝදනා 100 කට වැඩි ගණනකට වරද පිළිගෙන තිබෙනවා.

2023 වසරේ පෙබරවාරි මාසයේදී මෙල්බර්න් නගරයට බටහිරින් ග්ලෙන්මෝර් හි ඇති වූ ලැව්ගින්නකදී සමාගමේ ක්‍රියා පටිපාටිය සම්බන්ධයෙන් ද චෝදනාවක් ඉදිරිපත් කර ඇතැයි සඳහන්.

එම ගින්නෙන් හෙක්ටයාර් 185ක පමණ භූමි ප්‍රමාණයක් දැවී ගොස් ඇති අතර, නිවාස, වැටවල් සහ ගොවි උපකරණ රැසක් විනාශ වී තිබුණා.

ලැව්ගිනි අවදානම් කලාපවල ආක්‍රමණශීලී වෘක්ෂලතාදිය පරීක්ෂා කිරීමට අසමත්වීම් 4800කට වැඩි ප්‍රමාණයක් මෙන්ම වෘක්ෂලතා කපා හැරීමට අසමත්වීම් 140කට අදාළ චෝදනා සම්බන්ධයෙන් සමාගම දැනුවත්ව සිට ඇත්තේ ඉන් චෝදනා කිහිපයක් සම්බන්ධයෙන් පමණයි.

ලැව් ගිනි රේඛාවට පහළින් ඇති අවදානම් වෘක්ෂලතාදිය කැපිය යුතු බවට වසරකට පෙර සමාගමේ පරීක්ෂකවරයකු විසින් කරන ලද නිර්දේශයක් ගින්නට දින 10 කට පෙර ඉවත දමා තිබූ බව ද අධිකරණයේදී හෙළිවී තිබෙනවා.

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »