හෝටල් සේවකයන් කොවිඩ් අවධානමේ දැමුවැයි වික්ටෝරියා සෞඛ්ය දෙපාර්තමේන්තුවට චෝදනා 58 ක්
හෝටල් නිරෝධායන වැඩපිළිවෙල් සිදුවු නීති රීති උල්ලංඝනයවීම් 58 ක් සම්බන්ධයෙන් වික්ටෝරියා සෞඛ්ය දෙපාර්තමේන්තුවට චෝදනා ගොණු කර තිබේ. ප්රාන්තයේ හෝටල් නිරෝධායනය අධීක්ෂණය කිරීමේ මූලික වගකීම පැවරී ඇත්තේ වික්ටෝරියා සෞඛ්ය දෙපාර්තමේන්තුවටයි. කෙසේවෙතත් WorkSafe පෙන්වා දෙන්නේ නිරෝධායන හෝටල්වල අධීක්ෂණ කටයුතු සඳහා ඒ පිළිබඳ විද්වත් දැනුමක් ඇති පුද්ගලයන් පත් කිරීමට ඔවුන් අසමත් වී ඇති බවයි. විශේෂයෙන් හෝටල්වල ආරක්ෂක අංශ නිළධාරීන් වැනි අධි අවධානම් රැකියාවල නිරතවන්නන්ට නිසි පුහුණුවක් දීමට පවා වික්ටෝරියා සෞඛ්ය දෙපාර්තමේන්තුව කටයුතු කර නොමැති බවට WorkSafe චෝදනා කරනවා.