Day: September 17, 2021

කොවිඩ් ආසාධිතව දින 399 ක් ප්‍රතිකාර ලැබූ පුද්ගලයෙකු සිඩ්නි නුවර රෝහලකින් සුවය ලබා පිටත්ව ගොස් තිබෙනවා. 69 හැවිරිදි මෙම තැනැත්තා කොවිඩ් ආසාධිතව රෝහල්ගත කෙරුණේ පසුගිය වසරේ ජූලි 29 වනදායි. ඔහු සති 07 කට ආසන්න කාලයක් දැඩි සත්කාර ඒකකයේ පවා ප්‍රතිකාර ලබා ඇති බවයි සිඩ්නි වාර්තාවල දැක්වෙන්නේ. කොවිඩ් වෛරසයෙන් සුව වුවද වෙනත් රෝගාබාධ කිහිපයක්ම පැවතීම හමුවේ මොහුට වසරකට වැඩි කාලයක් රෝහලේ සිටීමට සිදුවී තිබුණා.   Pic – 9News

වික්ටෝරියා අධිවේගී මාර්ගයක අද දහවල් සිදුවූ මාරක රිය අනතුරකින් පුද්ගලයන් දෙදෙනෙකු මියගොස් තිබේ. South Gippsland Highway හි Devon Meadows හිදී පස්වරු 01.25 ට පමණ සිදුවූ මෙම අනතුරින් මියගොස් ඇත්තේ රියදුරු සහ මෝටර් රථයේ ගමන්ගත් තවත් අයෙකි. U-Turn එකක් ගැනීමට යාමේදී ප්‍රතිවිරුද්ධ දිශාවෙන් පැමිණි මෝටර් රථයක ගැටී මෙම අනතුර සිදුවිය. දෙවන මෝටර් රථයේ රියදුරු ද තුවාල ලබා ඇත. විමර්ශන අවසන් වන තෙක් අදාළ කොටස වාහන ගමනාගමනය සඳහා වසා දමා තිබේ.  

නොවැම්බර් මාසය දක්වා පනවන කොවිඩ් නීති හා සීමාවන් විස්තර කරමින් lockdown කිරීමෙන් නිදහස් කිරීමේ වික්ටෝරියා ප්‍රාන්ත සැලසුම එළඹෙන  ඉරිදා නිකුත් කෙරේ. සිකුරාදා එනම් අද රාත්‍රී 12 සිට පහත පරිදි සීමා ලිහිල් කෙරේ. කොවිඩ් එන්නතේ එක් මාත්‍රාවක් පමණක් ලබා ඇති පුද්ගලයින්ට සහ එන්නත ලබා නොමැති පුද්ගලයින්ට නිවසින් බාහිර හමුවීම් සඳහා උපරිම පුද්ගලයින් දෙදෙනෙකු දක්වා රැස්විය හැකිය. එනම් Picnic – ඇවිදීම් වැනි සියල්ලට අවසර ලැබේ. මාත්‍රා 02 ම ගෙන ඇති නිවාස 02 ක පදිංචි වැඩිහිටියන් 05 දෙනෙකුට